ආනයනික මැණික් සඳහා අය කෙරුණු විශේෂ සේවා ගාස්තුව අඩු කිරීමට මැණික් හා ස්වර්ණාභරණ අධිකාරිය තීරණය කර තිබේ.
එම අධිකාරියේ සභාපති එස්. පී. චමින්ද පැවසුවේ, ශ්රී ලංකා රේගුව විසින් කඩිනම් නිශ්කාශන ගාස්තුවක් ලෙස අය කරන ලද ආනයනික මැණික් පාර්සලයකට ඇමරිකානු ඩොලර් 200ක විශේෂ සේවා ගාස්තුව 2026 ජනවාරි 01 සිට ක්රියාත්මක වන පරිදි ඉවත් කර ඇති බවයි.
ඔහු මේ බව පැවසුවේ, මැණික් හා ස්වර්ණාභරණ ක්ෂේත්රයට අදාළ කරුණු සම්බන්ධයෙන් අද (ජන. 19) රජයේ ප්රවෘත්ති දෙපාර්තමේන්තුවේ පැවති විශේෂ මාධ්ය හමුවකදී අදහස් දක්වමිනි.
මැණික් ආනයනය කිරීමේදී පනවනු ලබන වැට් සහ SSCL අගයන් තක්සේරු කරන ක්රමය වෙනස් කර ආනයනය කරන පුද්ගලයන්ට එදාට වඩා සහනයක් ලබා දීමට කටයුතු කර ඇතැයි ද සභාපතිවරයා පැවසීය.
ඔහු තවදුරටත් සඳහන් කළේ 2023, 2024 සහ 2025 කාලවලදී මැණික් ආනයනය ඉතා අඩු මට්ටමක පැවති බව ද මේ නිසා අපනයනයට ද විශාල බලපෑමක් සිදුවූ බවයි.
අපනයනයට අවශ්ය රළු මැණික් 2023ට පෙර වෙනත් රටවලින් ලංකාවට රැගෙන ආ බවත් එලෙස රැගෙන ආ ප්රමාණය වැට් එක හදුන්වා දීමත් සමග ඉතා විශාල වශයෙන් අඩුවූ බවත් සභාපතිවරයා සඳහන් කරයි.
