හිටපු ඇමති කෙහෙළිය රඹුක්වැල්ල විසින් අයථා ලෙස උපයා ගන්නා මුදල් විශුද්ධිකරණයට සහාය ලබා දුන්නේ යැයි අත්අඩංගුවට ගන්නා ලද මැණික් ව්යාපාරිකයෙකු ලබන 10 වනදා දක්වා රක්ෂිත බන්ධනාගාර ගත කරන ලෙස කොළඹ මහේස්ත්රාත් අධිකරණය නියම කර තිබේ.
අල්ලස් කොමිසම විසින් සෙනෙවිරත්න බණ්ඩාර රඹුක්වැල්ල නමැති මෙම සැකකරු අද පෙරවරුවේ අත්අඩංගුවට ගෙන තිබුණි.
ඉන් අනතුරුව එම සැකකරු කොළඹ ප්රධාන මහේස්ත්රාත් අසංග එස් බෝදරගම හමුවට පමුණුවනු ලැබීය.
අල්ලස් කොමිසම අධිකරණය හමුවේ කරුණු දක්වමින් මෙම සැකකරු හිටපු අමාත්යවරයා සමග මුදල් විශුද්ධිකරණ කටයුතුවලට සම්බන්ධ වී ඇති බවට ප්රමාණවත් කරුණු අනාවරණය වී ඇතැයි සඳහන් වේ.
මෙම සිද්ධියට අදාළ විමර්ශන කටයුතු අවසන් වී නොමැති බවත් මේ අවස්ථාවේදී සැකකරුට ආපු ප්රදානය කළොත් විමර්ශන කටයුතුවලට බාධා සිදුවිය හැකි බවත් අල්ලස් කොමිසමේ නිලධාරින් අධිකරණයට දන්වා සිටියේය.
ඒ අනුව සැකකරු රක්ෂිත බන්ධනාගාර ගත කරන ලෙසත් අල්ලස් කොමිසම අධිකරණයෙන් ඉල්ලා සිටියේය.
සැකකරු වෙනුවෙන් පෙනී සිටි නීතිඥ කාංචන රත්වත්තේ අධිකරණය හමුවේ කරුණු දක්වමින් මෙම සැකකරු ඇප මත මුදා හරින්නැයි ඉල්ලීම් කලේය.
ඉදිරිපත් වූ කරුණු සලකා බැලූ මහේස්ත්රාත්වරයා අදාළ සැකකරු ලබන 10 දක්වා රක්ෂිත බන්ධනාගාර ගත කිරීමට නියෝග කර තිබේ.
