සූරියකන්ද පොලිසියේ හිටපු ස්ථානාධිපතිවරයා සහ කොස්තාපල්වරයෙකු මධ්යම අපරාධ විමර්ශන කාර්යංශය විසින් අත්අඩංගුවට ගෙන තිබේ.
ගෝනෙකු ඝාතනය කිරීමේ සිද්ධියක් සම්බන්ධයෙන් වන චෝදනාවකට අදාළව මොවුන් අත්අඩංගුව ගෙන ඇති බව පොලිස් මාධ්ය ප්රකාශක සහකාර පොලිස් අධිකාරි එෆ්.යූ වුට්ලර් සඳහන් කරයි.
වනජීවී ආඥා පනත උල්ලංඝනය කිරීමට එරෙහිව ඔවුන් මෙලෙස අත්අඩංගුවට ගෙන ඇති බව වාර්තා වේ.
අදාළ හිටපු ස්ථානාධිපතිවරයා සහ කොස්තාපල්වරයින් දෙදෙනෙකු තවත් දඩයක්කරුවෙකු සමග දඩයමේ ගොස් ඇති අතර ඒ පිළිබඳව ඔවුන් විසින් එක් ගම්වාසියෙකුට පවසා තිබේ.
එම පුද්ගලයා විසින් මේ පිළිබඳව ගම්වාසීන් දැනුවත් කර ඇති අතර දඩයමේ ගිය පිරිස සත්වයා ඝාතනය කර පැමිණෙන විට ඔවුන් එක්ව ඊට විරෝධය දක්වා ඇත.
එහිදී හිටපු ස්ථානාධිපතිවරයා ඇතුළු පිරිස සහ ගම්වාසීන් අතර නොසන්සුන්තාවයක් හට ගෙන ඇති බවද වාර්තා වේ.
එම අවස්ථාවේ පොලිස් කොස්තාපල්වරයින් දෙදෙනෙකු හා ගම්වාසීන් සිව් දෙනෙකු පොලීසිය විසින් අත්අඩංගුවට ගෙන තිබේ.
කෙසේවෙතත් මේ සම්බන්ධයෙන් පොලිස්පති ප්රියන්ත වීරසූරියගේ උපදෙස් පරිදි මධ්යම අපරාධ විමර්ශන කාර්යංශය විසින් විමර්ශනයක් ආරම්භ කර ඇති අතර එහිදී අනාවරණය කරගත් තොරතුරු හරහා හිටපු ස්ථානාධිපතිවරයා මෙලෙස අත්අඩංගුවට ගෙන ඇත.
එමෙන්ම මෙම සිදුවීම සම්බන්ධයෙන් තවත් එක් පුද්ගලයෙකු අත්අඩංගුවට ගැනීම සඳහා ද විමර්ශන ආරම්භ කර ඇති බව සඳහන් වේ.
සැකකරුවන් හෙට (07) ඇඹිලිපිටිය මහේස්ත්රාත් අධිකරණයට ඉදිරිපත් කිරීමට නියමිතව ඇති අතර මධ්යම අපරාධ විමර්ශන කාර්යංශය වැඩිදුර විමර්ශන සිදුකරයි.
