බලපත්රයක් නොමැතිව ගිනි අවි නිෂ්පාදනය කර අලෙවි කිරීමේ ජාවාරමක නිරත වු අයියා මලෝ දෙදෙනෙකු සූරියවැව වැවේගම ප්රදේශයේදි අත්අඩංගුවට ගැනීමට තංගල්ල කොට්ඨාස අපරාධ විමර්ශන ඒ්කකයේ නිලධාරින් සමත්ව තිබේ.
ඊයේ (15) දින සවස සිදු කළ වැටලීමකදී මෙම සැකකරුවන් අත්අඩංගුවට ගෙන ඇත.
මෙලෙස අත්අඩංගුවට ගෙන ඇත්තේ සූරියවැව වැවේගම හා වැලිආර පදිංචි අවුරුදු 35ත් 40 අතර වන සහෝදරයින් දෙදෙනෙකි.
සැකකරුවන් සම්බන්ධයෙන් තංගල්ල කොට්ඨාශ අපරාධ විමර්ශන ඒ්කකයේ නිලධාරින්ට ලද තොරතුරකට අනුව වැටලිම සිදුකර තිබේ.
මෙම සැකකරුවන් කම්හලක් පවත්වාගෙන යන අතරතුර කලක් තිස්සේ මෙලෙස විවිධ වර්ගයේ ගිනි අවි නිෂ්පාදනය කර අලෙවි කිරීමේ ජාවාරමේ නිරතව සිට තිබෙන බව පැවසෙයි.
වැටලීමේදී අයිස් මත්ද්රව්ය මිලිග්රෑම් 3400ක්, මෙරට නිෂ්පාදිත බෝර 12 වර්ගයේ ජීව උණ්ඩ යෙදිය හැකි ගිනි අවි දෙකක් හා ගිනි අවි නිෂ්පාදනයට ගන්නා කොටස් කිහිපයක්ද අත්අඩංගුවට ගෙන තිබේ.
මේ අතර සැකකරුවන් විසින් ගිනි අවි 04ක් මීට පෙර අලෙවි කළ බවද පවසා ඇත.
ඒ අනුව සැකකරුවන්ගෙන් ලද තොරතුරු ඔස්සේ ගිනි අවි මිලට ගත් පුද්ගලයන් සම්බන්ධයෙන්ද විමර්ශන ආරම්භ කර තිබෙන බව පොලිසිය පවසයි.
වැඩිදුර විමර්ශන සඳහා සැකකරුවන් සූරියවැව පොලිස් ස්ථානයට භාර දී ඇති අතර ඔවුන් හම්බන්තොට මහේස්ත්රාත් අධිකරණයට ඉදිරිපත් කිරිමට නියමිතයි.
තංගල්ල කොට්ඨාස භාර ජ්යෙෂ්ඨ පොලිස් අධිකාරී නිපුන දෙහිගම සහ තංගල්ල කොට්ඨාස අපරාධ විමර්ශන ඒ්කකයේ ස්ථානාධිපති පොලිස් පරික්ෂක වසන්ත කුමාර යන නිලධාරීන්ගේ උපදෙස් පරිදි වැටලිම සිදුකර තිබුණි.
