මහියංගනය – පදියතලාව ප්රධාන මාර්ගයේ 48 කණුව ආසන්නයේදී ඊයේ (17) උදෑසන සිදුවූ රිය අනතුරකින් 59 හැවිරිදි කාන්තාවක ජීවිතක්ෂයට පත්ව ඇතැයි පොලිස් මූලස්ථානය සඳහන් කරයි.
පදියතලාව දෙස සිට මහියංගනය දෙසට ධාවනය වූ පෞද්ගලික බස් රථයක පදිකයින් දෙදෙනෙකු ගැටීමෙන් මෙම අනතුර සිදුව ඇති බව එම මූලස්ථානය පවසයි.
මාර්ගයේ ගමන් කරමින් සිටි පදික කාන්තාවක සහ කුඩා දැරියක බස් රථයේ ගැටී ඇති අතර, අනතුරින් දෙදෙනාටම බරපතළ තුවාල සිදුව තිබේ.
වහා ක්රියාත්මක වූ ප්රදේශවාසීන් තුවාලකරුවන් මහියංගනය රෝහලට ඇතුළත් කිරීමට පියවර ගෙන තිබුණත්, රෝහල්ගත කිරීමෙන් අනතුරුව ප්රතිකාර ලබමින් සිටියදී අදාළ කාන්තාව මියගොස් ඇති බවටයි වාර්තා වන්නේ.
මෙලෙස මියගොස් ඇත්තේ මහියංගනය ප්රදේශයේම පදිංචිව සිටි 59 හැවිරිදි කාන්තාවක්.
අනතුරින් තුවාල ලැබූ දැරිය මේ වන විට මහියංගනය රෝහලේ නේවාසිකව ප්රතිකාර ලබන බව වාර්තා වේ.
සිද්ධිය සම්බන්ධයෙන් පෞද්ගලික බස් රථයේ රියදුරු අත්අඩංගුවට ගෙන ඇති අතර, මහියංගනය පොලිසිය අනතුර සම්බන්ධයෙන් වැඩිදුර විමර්ශන සිදුකරනු ලබයි.
අධික වේගය හෝ රියැදුරුගේ නොසලකා හැරීම මෙම අනතුරට හේතුවී දැයි පොලිසිය පරීක්ෂණ පවත්වන බවයි පොලිස් මුලස්ථානය සඳහන් කරන්නේ.
