බලශක්ති අමාත්යවරයා කිසිදු අධිකරණයකින් වරදකරුවෙකු වී නොමැති බවත් එසේ වරදකරුවෙකු වී තිබෙනවා නම් නඩු අංකය ඉදිරිපත් කරන ලෙසට තමා විපක්ෂයෙන් ඉල්ලා සිටින බවත් මහජන ආරක්ෂක නියෝජ්ය අමාත්ය සුනිල් වටගල අද(20) පාර්ලිමේන්තුවේදී පැවසීය.
නියෝජ්ය අමාත්යවරයා මේ බව පැවසුවේ ප්රමිතියෙන් තොර ගල් අඟුරු ආනයනය කිරීම සම්බන්ධයෙන් පාර්ලිමේන්තුවේ දැන් පැවැත්වෙන කල් තැබීමේ අවස්ථාවේ විවාදයට එක්වෙමිනි.
මෙම ගල් අඟුරු ටෙන්ඩරයේදී යම්කිසි තාක්ෂණික ගැටලුවක් ඇතිවී තිබෙනවා නම් එය නිවැරදි කරන්න කටයුතු කර තිබෙන බවත් මෙහිදී වන්දියක් අදාල සමාගමෙන් අය කර ගැනීමට කටයුතු කර තිබෙන බවත් නියෝජ්ය අමාත්යවරයා සඳහන් කරයි.
දැන් ඉස්සර වගේ නෙවෙයි. නීතිය කාටත් පොදුවේ ක්රියාත්මක වනවා. ඉස්සර තමයි අල්ලස් කොමිසම, CID එක ඒ අදාල පුද්ගලයින් ළඟට පැමිණියේ. දැන් අදාල පුද්ගලයින් අල්ලස් කොමිසමට යනවා. CID එකට යනවා .
ශිරන්තී රාජපක්ෂ මහත්මිය පසුගියදා FCID එකට පැමිණියා. රනිල් වික්රමසිංහ මහතාගේ බිරිඳ මෛත්රී වික්රමසිංහ මහත්මිය අද CID පැමිණීමට නියමිතව තිබුණා .එහෙම තමයි නීතිය කාටත් පොදුයි. අපේ කෙනෙකුටත් නීතිය එකයි, වෙනත් කෙනෙකුටත් නීතිය එකයි. ඒක නිසා සැමටම පොදු නීතියක් දැන් රටේ ක්රියාත්මකයි.
මෙහිදී නැගී සිටි සමගි ජන බලවේගයේ කළුතර දිස්ත්රික් පාර්ලිමේන්තු මන්ත්රී අජිත් පී. පෙරේරා ප්රකාශ කළේ කම්කරු විනිශ්චය සභාවකින් බලශක්ති අමාත්යවරයා මීට පෙර ක්රියා කරන ලද ධූරයෙන් ඉවත් කර ඇති බවයි.
එය අල්ලස් කොමිසමටද දැනුම් දී ඇති බවත් අවශ්ය නම් එහි අංකය ඉදිරියේදී ඉදිරිපත් කරන බවද අජිත් පී. පෙරේරා සඳහන් කර තිබේ.
ඊට ප්රතිචාර දක්වමින් සුනිල් වටගල නියෝජ්ය අමාත්යවරයා ප්රකාශ කළේ අධිකරණ තීන්දුවකින් බලශක්ති අමාත්යවරයා වරදකරුවකු වී නොමැති බවයි.
ඒ නිසා පට්ට පල් අසත්ය ප්රචාරය නොකර සිටින ලෙසද ඔහු විපක්ෂයෙන් ඉල්ලා සිටියි.
