ඊශ්රායලය වෙනුවෙන් ඔත්තු බැලූ බවට චෝදනා එල්ලූ පුද්ගලයෙකුට ඉරානය විසින් අද (18) මරණ දඬුවම ක්රියාත්මක කර තිබෙනවා.ඉස්ලාමීය විප්ලවවාදී ආරක්ෂක බළකායට අනුබද්ධ ප්රවෘත්ති ඒජන්සියක් වන තස්නිම් විසින් මේ බව තහවුරු කර තිබෙනවා.
මෙලෙස දඬුවම් හිමිව ඇත්තේ කොරූෂ් කීවානි නම් පුද්ගලයෙකුට වන අතර, ඔහු 2025 වසරේ පැවති ‘Twelve-Day War’ යුද්ධය අතරතුර අත්අඩංගුවට පත්ව තිබෙනවා.ඔහු ඉරානයේ සංවේදී ස්ථාන පිළිබඳ ඡායාරූප සහ තොරතුරු ඊශ්රායල බුද්ධි ඒජන්සිය වන මොසාඩ් වෙත ලබාදුන් බවට චෝදනා එල්ලවී තිබෙනවා.
ඊශ්රායල ආරක්ෂක අංශ විසින් මෙම පුද්ගලයාව 2023 වසරේ දී ස්වීඩනයේ දී හඳුනාගෙන ඇති අතර, පසුව ඔහු මොසාඩ් නිලධාරියෙකු විසින් බඳවාගෙන තිබෙනවා. ඔහුට යුරෝපීය රටවල් 6ක සහ ටෙල් අවිව්හි වසර දෙකක පුහුණුවකින් පසු ඉරානයට යවන ලද බවත් සඳහන්.
දොළොස් දින යුද්ධය (Twelve-Day War) යනු ඉරානය සහ ඊශ්රායලය අතර 2025 ජුනි 13 සිට 24 දක්වා පැවති සන්නද්ධ ගැටුමක්. ඊශ්රායලය හදිසි ප්රහාරයකින් ඉරානයේ හමුදා සහ න්යෂ්ටික මධ්යස්ථානවලට බෝම්බ හෙලීමත් සමග එය ආරම්භ විය. අමෙරිකාවේ මැදිහත්වීම සමග ඇතිකරගත් සටන් විරාමයකින් එම ගැටුම් නතර විය.
