පද්ධතියේ සිදුවු හදිසි බිඳවැටීමක් හේතුවෙන් තාවකාලිකව අත්හිටවනු ලැබූ ජාතික හැඳුනුම්පත් නිකුත් කිරීමේ එක්දින සේවය ඇතුළු සියලුම සේවාවන් නැවත ආරම්භ කළ බව පුද්ගලයින් ලියාපදිංචි කිරීමේ දෙපාර්තමේන්තුව නිවේදනය කරයි.
ඒ අනුව අද (24) උදෑසන 11 සිට නැවත සියලු මහජන සේවාවන් ක්රියාත්මක කර ඇත.
ඊයේ (23) දිනයේ දී මෙම බිඳවැටීම සිදුව තිබුණු අතර අද දිනයේ මහජන සේවාවන් ලබාගැනීමේ කටයුතු තාවකාලිකව අත්හිටුවීමට පුද්ගලයින් ලියාපදිංචි කිරීමේ දෙපාර්තමේන්තුව කටයුතු කර තිබුණි. එවන් පසුබිමක අද උදෑසන සිටම විශාල පිරිසක් එම පරිශ්රයේ රැඳී සිටි අතර එහිදී කලබලකාරී තත්ත්වයක්ද ඇති වුණි.
