නීතිවිරෝධී මත්ද්‍රව්‍ය හා අපරාධ සම්බන්ධයෙන් පොලිස්පති වට්ස්ඇප් අංකයට ලද පැමිණිලි විමර්ශනය කිරීම ආරම්භ කර ඇති බව පොලීසිය පවසයි.
එලෙස ලැබුණු පැමිණිලි අදාළ පොලිස් ස්ථාන වෙත යොමු කර පසුවිපරම් කරන බව පොලීසිය සඳහන් කරයි.
නීතිවිරෝධී මත්ද්‍රව්‍ය, සංවිධානාත්මක අපරාධ ඇතුළු විවිධ ගැටලු සම්බන්ධයෙන් පොලිස්පතිවරයා හඳුන්වාදුන් වට්ස්ඇප් අංකයට ලැබී ඇති පැමිණිලි සංඛ්‍යාව 8000 ඉක්මවා ගොස් ඇති බවයි වාර්තා වන්නේ.
