ප්‍රවීණ ගායිකා චන්ද්‍රානි ගුණවර්ධන අභාවප්‍රාප්ත වී ඇති බව වාර්තා වේ.
ඇය මියයන විට 82 වැනි වියෙහි පසුවු අතර ළමාපිටියෙන් ඇරඹි ඇගේ ගායන දිවිය තුළ රසික ආකර්ශනය දිනාගත් ගීත ගණනාවක්ද ඇත.
ඒ අතර, “හැඩකාරයි මං පොඩි කාලේ”, “මල් කෙල්ලක් මං”, “තුන් තුඹ මල් තුඹ මල්”, “රාං කුරුල්ලා රාං කියාගෙන”, “අත්තන මල් අත්තන මල්”, “මලක සුවඳ සිව්සිය ගව්”, “විහාර මහා දේවී සෝමාදේවි”, “ලය තුළ නළියන”, “ආයුබෝවන් වාසනාවන්”, “තරුවක් වුණානම්”, “අක්කා නගා ලගේ බොළඳ සිනා” සහ “දම් පැහැ වීදුරු පුංචි වළල්ලක්” වැනි ගීත ඇගේ ගීතාවලියේ ජනප්‍රිය ගීත වේ.
ඇය ළමා පිටියට ගැයූ ගී අතර “දැන් නිවාඩු කාලේ හින්දා නෑ ඉස්කෝලේ” ගීතය අදටත් බොහෝ දෙනා අතර ජනප්‍රිය ගීතයකි.
1955 වසරේදී ඇයගේ හඬින් ගැයුණු මේ ගීතය මුලින්ම තැටි ගත කර තිබුණි.
