ශ්‍රී ලංකා විභාග දෙපාර්තමේන්තුව මගින් අ.පො.ස.(සා/පෙ) විභාගය නැවත සමීක්ෂණ ප්‍රතිඵල 2025 ඔක්තෝම්බර් 09 වන දින නිකුත් කර ඇති බවට වාර්තා වේ.
ඒ අනුව එම ප්‍රතිඵල ශ්‍රී ලංකා විභාග දෙපාර්තමේන්තුවේ නිල වෙබ් අඩවිය වන www.doenets.lk හෝ www.results.exam.gov.lk වෙත පිවිස විභාග අංකය හෝ ජාතික හැදුනුම්පත් අංකය ඇතුළත් කිරීමෙන් ලබා ගැනීමට හැකි බව ශ්‍රී ලංකා විභාග දෙපාර්තමේන්තුව විසින් සදහන් කරයි.
මෙම නැවත සමීක්ෂණ ප්‍රතිඵල මත නැවත අ.පො.ස.(සා/පෙ) විභාගය සදහා අයදුම් කිරීමට බලාපොරොත්තු වන අයදුම්කරුවන්ට 2025.10.09 දින මධ්‍යම රාත්‍රී 12.00 දක්වා මාර්ගගත ක්‍රමය ඔස්සේ අයදුම්පත් ඉදිරිපත් කළ හැක.
මේ අතර කිසිදු හේතුවක් මත අයදුම්පත් භාර ගැනීමේ අවසන් දිනය දීර්ඝ කිරීමක් සිදු නොකරන බව එම දෙපාර්තමේන්තුව පවසයි.
මෙම විභාගයේ ප්‍රතිඵල සම්බන්ධයෙන් යම්කිසි විමසීමක් සිදු කිරීමට අවශ්‍ය නම් ඒ සදහා ශ්‍රී ලංකා විභාග දෙපාර්තමේන්තුවේ පාසල් විභාග සංවිධාන හා ප්‍රතිඵල ශාඛාවට අමතන ලෙස වැඩි දුරටත් දැනුම් දි තිබේ.
ක්ෂණික ඇමතුම් අංශය – 1911
පාසල් විභාග සංවිධාන හා ප්‍රතිඵල ශාඛාව – 0112784208, 0112784537, 0112785922
ෆැක්ස් අංකය – 0112784422
