කොලඹ මහානාම විදුහලේ සිසුන් තිදෙනෙක්ව එම පාසලේ ස්ථාන භාර ප්‍රධාන ආරක්ෂක නිලධාරීයා අතින් ලිංගිකව අපයෝජනය වී ඇති සිදුවීමක් වාර්තා වේ.
කෙසේ නමුත් මෙකී සිදුවීම යටපත් කිරිමට විදුහල්පතිවරයා සහ පාසලෙ වගකිවයුතු පාර්ශව කටයුතු කරන බවට පාසලෙ ආදි සිසුන් චෝදනා කරයි.
ඔවුන් පවසන්නේ ආයතන ප්‍රධානියා ලෙස විදුහල්පතිවරයා හෝ සංගම් භාර ආචාර්ය වරයා ලෙස අදාල ගුරුතුමාවත් මේ පිලිබදව කිසිදු පොලීසියකට හෝ වගකිවයුතු කිසිම තැනකට පැමිණිලි කර නොමැති බවයි.
එමෙන්ම අදාල අපයෝජනයට ලක්වූ දරුවන් තිදෙනා මේ වන තුරුත් කිසිම වෛද්‍යවරයෙකු වෙත යොමු කර නොමැති අතර අදාල සිකුයුරිටි ෆර්ම් එක සම්බන්ධව හෝ එම පාපතරයා පිලිබද කිසිම ක්‍රියාමාර්ගයක් ගැනීමට උත්සහ කර නොමැති බවත් තවමත් පාසලට සේවාව සපයන්නේ අදාල සිකුයුරිටි ආයතනය බවත් වාර්තා වේ.
මේ අතර මේ පිලිබදව විදුහල්පතිවරයාගෙන් විමසා සිටි ගුරුවරු දෙදෙනෙකුට විදුහල්පතිවරයා තර්ජනය කර ඇති අතර, ඔවුන් ලවා ඔවුන් විසින් පාසලේ ගුරුවරුන්ගේ වට්සැප් සමූහයට යොමුකරන ලද අදහස් දැක්වීම් පවා මකා දමා දැමීමට කටයුතු කර ඇති බවට චෝදනා එල්ල වී ඇත.
තවද අදාල දෙමාපියන් පොලීසියට පැමිණිලි කරන්නට ගිය අවස්තාවේ, “ලමයිව උසාවි ගේන්න වේවි” “අවුරුදු තුනක් නඩු කියන්න වේවි” යනාදි කරුණු කියමින් එම දෙමාපියන් බිය වද්දා පැමිණිල්ල දැමීම අධෛර්‍යට පත් කිරීමටද කටයුතු කර ඇති බව වාර්තා වේ.
එයට හේතු වී ඇත්තේ විදුහල්පතිවරයා හා අදාල ආරක්ෂක නිලධාරීයා අනුයුක්ත පෞද්ගලික ආරක්ෂක සමාගම අතර පවතින සම්බන්ධතාවය වන අතර විදුහල්පතිවරයා විසින් අදාල ආරක්ෂක නිලධාරියාට පලායෑමට ඉඩ සලසා ඇති බවටද වාර්තා වේ.
එමෙන්ම තමන් හට අධ්‍යාපන අමාත්‍යාංශයේ හා ආණ්ඩුවේ ඉහල දේශපාලකයන්ගේ සම්බන්දතා පවතින බවත් මෙම සිද්ධිය දුරදිග ගෙනගොස් වැඩ වරද්දා නොගන්නා ලෙසත් විදුහල්පතිවරයා අදාල දෙමාපියන්ට පවසා ඇති බවට බාහිර පාර්ශව චෝදනා කරයි.
