ජනරාල් ශ්රීමත් ජෝන් කොතලාවල ආරක්ෂක විශ්ව විද්යාලයේ සෞඛ්ය විද්යා පීඨයේ තෙවැනි වසරේ ශිෂ්යාවක නිවසේ නාන කාමරය තුළ ඇද වැටී බරපතල තුවාල මහනුවර ජාතික රෝහලේ ස්නායු ශල්ය දැඩි සත්කාර ඒකකයේ ප්රතිකාර ලබමින් සිටියදී ජීවිතක්ෂයට පත්ව තිබේ.
මෙලෙස මියගොස් ඇත්තේ එම විශ්වවිද්යාලයේ තෙවැනි වසරේ ශිෂ්යාවක වූ මහනුවර ප්රදේශයේ පදිංචි 24 හැවිරිදි තරුණියකි.
ඇය එම විශ්ව විද්යාලයෙන් නිවාඩු ලබා දෙසැම්බර් මස පැවැත්වීමට නියමිත විභාගයක් සඳහා පාඩම් කරමින් සිටියදී එම අනතුරට මුහුණ දී ඇත.
නාන කාමරයේ ඇද වැටීමෙන් ඇයගේ හිසට සිදුවූ බරපතළ තුවාල හේතුවෙන් මහනුවර ජාතික රෝහලේ ස්නායු ශල්ය දැඩි සත්කාර ඒකකයේ ප්රතිකාර ලබමින් සිටියදී ඇය මිය ගොස් ඇති අතර පොලිසිය සිද්ධිය සම්බන්ධයෙන් වැඩිදුර විමර්ශන සිදුකරයි.
