අනුරාධපුර, තලාව, ජයගඟ හන්දිය ප්‍රදේශයේ පෞද්ගලික බස් රථයක් පෙරළීයාමෙන් සිදුවූ අනතුරින් පුද්ගලයන් පස් දෙනෙකු ජීවිතක්ශයට පත්ව ඇති අතර තවත් පුද්ගලයින් 20කට ආසන්න ප්‍රමාණයක් තුවාල ලබා ඇතැයි පොලිස් මාධ්‍ය ප්‍රකාශක කාර්යාලය සඳහන් කරයි.
තුවාලකරුවන් මේ වනවිට තඹුත්තේගම සහ තලාව රෝහල් වෙත ඇතුළත් කර ඇතැයි පොලීසිය වැඩිදුරටත් සඳහන් කරයි.
කෙසේ නමුත් තුවාල ලැබූ පිරිස අතර, උසස් පෙලට පෙනී සිටි පාසල් සිසුන් සිටින බව වාර්තා වේ.
එමෙන්ම තුවාල ලැබූවන්ගෙන් තවත් කිහිප දෙනෙකුගේ තත්ත්වය බරපතළ බව ද සඳහන් වේ.
