මහවැලි ගඟ උතුරායාමෙන් ඇති වූ ජල ගැල්මෙන් පේරාදෙණිය විශ්ව විද්යාලයට රුපියල් කෝටි 300ක පමණ පාඩුවක් වී ඇතැයි බව පේරාදෙණිය විශ්ව විද්යාලයේ උප කුලපති මහාචාර්ය ටෙරන්ස් මධුජිත් පවසයි.
ඔහු පවසන්නේ මහවැලි ගඟ උතුරා යාමෙන් ඇතිවූ ගංවතුර නිසා පේරාදෙණිය විශ්ව විද්යාලයේ පරිගණක විද්යුත් උපකරණ, පරිගණක පර්යේෂණ දත්ත උපකරණ, වටිනා ගෘහ භාණ්ඩ ඇතුළු කෝටි ගණනක් වටිනා දේපළ විනාශ වී ඇති බවයි.
එමෙන්ම, ගංවතුර නිසා විශ්ව විද්යාලයේ කළමනාකරණ පීඨය, කෘෂිකර්ම පීඨය සහ පශු වෛද්ය පීඨයේ කෝටි ගණනක් වටිනා පර්යේෂණ හා විද්යුත් උපකරණවලට හානි සිදුව තිබෙන අතර, මෙ වන විට කොපමණ ප්රමාණයක හානියක් සිදුව තිබෙනවාද යන්න සොයා බලන බවත් ඔහු තව දුරටත් පවසයි.
විශ්වවිද්යාලයේ පරිගණක මධ්යස්ථානයේ තිබූ කෝටි 6 ක පමණ පරිගණක උපකරණ විනාශ වී ඇති අතර, ක්රීඩා උපකරණ නඩත්තු ඒකකයේ විදුලි උපකරණ, විශාල ප්ලාස්ටික් ජල ටැංකි රැසක් ගංවතුරට ගසාගෙන ගොස් ඇති බවද උපකුලපතිවරයා සඳහන් කරයි.
ඇතිවූ ආපදා තත්වය නිසා හානි වූ පේරාදෙණිය විශ්ව විද්යාලය යථා තත්වයට පත් කිරීමේ අභියෝගයට මුහුණදීමට සිදුව ඇති බව ද මහාචාර්ය ටෙරන්ස් මධුජිත් පවසයි.
