ග්රීක බැදුම්කර අලාභය ලෙස ඇති රුපියල් 1,843,267,595 ක මුදල වන්දියක් ලෙස මාස තුනක් තුළ ගෙවන කොන්දේසිය මත හිටපු මහ බැංකු අධිපති අජිත් නිවාඩ් කබ්රාල්ට එරෙහිව ගොනුකළ අධිචෝදනාව මහාධිකරණය හමුවේ ඉල්ලා අස්කරගත් බවත්, කොන්දේසි සම්පූර්ණ නොකරන්නේ නම් යළි අධිචෝදනා ගොනු කරන බවත් අල්ලස් කොමිසම පවසයි.
ඒ අනුව කොමිෂන් සභාවේ අධ්යක්ෂ ජනරාල්වරයාගේ අනුමැතිය මත නඩුව ඉල්ලා අස්කර ගන්නා දින සිට මාස 03 ක් ඇතුළත, රජයට සිදුවූ අලාභය ලෙස ගණනය කර ඇති රු. 1,843,267,595. මුදලක් ශ්රී ලංකා මහ බැංකුවේ අදාළ ගිණුමට බැර කළ යුතු බවට කොන්දේසි පනවා තිබේ.
එමෙන්ම මෙය කොන්දේසි සහිතව නඩුව ඉල්ලා අස්කර ගැනීමක් බවත්, අදාළ වන්දි මුදල ගෙවීම අනිවාර්ය බවත් අල්ලස් කොමිසම නිවේදනයක් නිකුත් කරමින් සඳහන් කරයි.
