කොළඹ – කටුනායක අධිවේගී මාර්ගයට අපද්රව්ය බැහැර කළ පුද්ගලයෙකු අත්අඩංගුවට ගෙන තිබේ.
අධිවේගී මාර්ග පොලිස් කොට්ඨාසයේ සීදූව අනුපාලක ස්ථානයේ නිලධාරීන් විසින් ඊයේ (10) පස්වරුවේ මෙම පුද්ගලයා අත්අඩංගුවට ගෙන ඇත.
අධිවේගී මාර්ගයේ ජංගම සංචාර රාජකාරී නිලධාරීන්ට 19වන කිලෝමීටර කණුව ආසන්නයේ දී රියදුරෙකු විසින් අපද්රව්ය සහිත බෑගයක් මාර්ගයට බැහැර කිරීමක් නිරීක්ෂණය වී තිබේ.
ඒ අනුව එම නිලධාරීන් විසින් සීදූව පාලක ස්ථානයට ඒ බව දැනුම් දීමට කටයුතු කර ඇත.
මාර්ගයට කුණුකසල බැහැර කිරිමේ චෝදනාව යටතේ රියදුරු අත්අඩංගුවට ගෙන සීදූව පොලිස් ස්ථානයට භාර දී තිබේ.
අත්අඩංගුවට ගෙන ඇත්තේ වයස අවුරුදු 35ක් වන යාපනය ප්රදේශයේ පදිංචිකරුවෙකි.
සැකකරු අද (11) මීගමුව මහේස්ත්රාත් අධිකරණයට ඉදිරිපත් කිරීමට නියමිතයි.
