හිටපු කථානායක පාර්ලිමේන්තු මන්ත්රී අශෝක රන්වල අත්අඩංගුවට ගෙන ඇති බව වාර්තා වේ.
අන්ත්රාදායක ලෙස රිය පැදවීම සහ අනතුරක් වළක්වා නොගැනීමේ චෝදනාව මත පාර්ලිමේන්තු මන්ත්රීවරයා මෙලෙස අත්අඩංගුවට ගෙන තිබේ.
පොලීසිය සඳහන් කළේ, පාර්ලිමේන්තු මන්ත්රීවරයා මේ වන විට කොළඹ ජාතික රෝහලේ පොලිස් ආරක්ෂාව යටතේ නේවාසිකව ප්රතිකාර ලබන බවයි.
හිටපු කථානායකවරයා ඊයේ (12) ගමන්ගත් ජීප් රථය තවත් මෝටර් රථයක ගැටී අනතුරකට පත්ව ඇති අතර පොලීසිය පැවසුවේ සපුගස්කන්ද දෙනිමල්ල ප්රදේශයේදී අදාළ අනතුර සිදුව ඇති බවයි.
මෙම අනතුරින් මෝටර් රථයේ ගමන් කළ 25 හැවිරිදි කාන්තාවක්, මාස 6ක් පමණ වයසැති ඇයගේ බිලිඳිය සහ 55 හැවිරිදි මිත්තනිය තුවාල ලබා රෝහල්ගත කර තිබුණි.
පොලිසිය පැවසුවේ අදාළ බිලිඳිය ප්රතිකාර සඳහා රිජ්වේ ආර්යා ළමා රෝහලටත් ඇතුළත් කෙරුණු බවයි.
