පාර්ලිමේන්තු මන්ත්රී හිටපු කථානායක අශෝක රන්වල ගමන්ගත් ජීප් රථය, සපුගස්කන්ද ප්රදේශයේ දී තවත් මෝටර් රථයක ගැටීමෙන් සිදුවූ අනතුර සිදුවී මේ වන විට දින දෙකකට අධික කාලයක් ගතව ඇත.
අනතුර සිදුවූ අවස්ථාවේදී ඔහු බීමතින් සිටි බවට චෝදනා එල්ල වූ නිසා ඒ සම්බන්ධයෙන් වෛද්ය වාර්තාවක් කැඳවීමට කටයුතු කළ බවට පොලිස් මාධ්ය ප්රකාශකවරයා පසුසිය 12 වැනිදා මාධ්ය වෙත පැවසීය.
කෙසේ වෙතත් අද (15) පෙරවරු 9.45 වන විටත් අදාළ වෛද්ය වාර්තාව තමන් වෙත නොලැබුණු බව මාධ්ය කල විමසීමකදී පොලිස් මාධ්ය ප්රකාශක සහකාර පොලිස් අධිකාරී එෆ්.යු. වුට්ලර් පවසා ඇත.
ඔහු පවසන්නේ, වෛද්ය වාර්තාව ලැබීමෙන් අනතුරුව මන්ත්රීවරයා සම්බන්ධයෙන් ගනු ලබන ඉදිරි නීතිමය පියවර ගන්නා බවයි.
අශෝක රන්වල මන්ත්රීවරයා ධාවනය කළ ජිප් රථය තවත් මෝටර් රථයක සහ යතුරු පැදියක ගැටී අනතුරක් සිදුවු අතර එම අනතුරින් මන්ත්රීවරයා සහ අනෙක් මෝටර් රථයේ ගමන් කළ කුඩා දරුවෙකු ඇතුළු තිදෙනෙකු තුවාල ලැබුවේ පසුගිය බ්රහස්පතින්දා රාත්රීයේ යි.
කෙසේවෙතත් අනතුර සම්බන්ධයෙන් පාර්ලිමේන්තු මන්ත්රී අශෝක රන්වල අත්අඩංගුවට ගත් අතර මහේස්ත්රාත්වරයා විසින් ඔහු ඇප මත මුදා හැරීමට නියෝග කලේය.
