අලුත්ගම මතුගම මාර්ගයේ ලබුවැල්ගොඩ ප්රදේශයේදී අණ නොතකා ධාවනය කල යතුරු පැදියක ගැටීමෙන් පොලිස් සැරයන්වරයක් මියගොස් ඇති බව වාර්තා වේ.
අනතුරින් මියගොස් ඇත්තේ, වැලිපැන්න පොලිස් ස්ථානයට අනුයුක්ත රාජකාරි කළ අහුංගල්ල ප්රදේශයේ පදිංචි 54 හැවිරිදි පොලිස් සැරයන්වරයෙකි.
ලබුවැල්ගොඩ හන්දිය අසල, පොලිස් නිලධාරීන් කණ්ඩායමක් ඊයේ (15) රාත්රී කාලයේ රථවාහන පරීක්ෂා කිරීමේ රාජකාරියේ නිරතව සිට ඇත.
පොලීසිය පැවසුවේ එහිදී අලුත්ගම දෙස සිට මතුගම දෙසට අධික වේගයෙන් ධාවනය වූ යතුරුපැදියක් නැවැත්වීමට සංඥා කළද , යතුරු පැදිය නොවත්වා පොලිස් නිලධාරියකුගේ ගැටී ධාවනය කර ඇති බවයි.
අනතුරින් බරපතල තුවාල ලැබූ අදාල පොලිස් නිලධාරියා දර්ගා නගරය රෝහලට ඇතුලත් කිරීමේදී මියගොස් ඇතැයි පොලීසිය සඳහන් කළේ ය.
යතුරුපැදිකරු ද තුවාල ලබා ඇති අතර, ඔහු මේවන විට නාගොඩ රෝහලේ ප්රථිකාර ලබමින් සිටියි.
