රුපියල් 10,000ක අල්ලස් මුදලක් ලබා ගත් නිලාවේලි පොලිස් ස්ථානයේ රාජකාරි කරනු ලබන පොලිස් නිලදාරියෙකු අත්අඩංගුවට ගෙන තිබේ.
නිලාවේලි ප්රදේශයේ පදිංචිකාරියක විසින් සිදුකරන ලද පැමිණිල්ලකට අදාළව සිදුකරන ලද විමර්ශනයේදී සැකකරු අල්ලස් කොමිසම විසින් අත්අඩංගුවට ගෙන ඇත.
පැමිණිලිකාරියගේ විදේශගත වීමට අදාළව ලේඛණ සකස් කර ගැනීම සඳහා අවශ්ය වන පොලිස් වාර්තාව ලබා දීමට අවශ්ය කටයුතු කර දීම සඳහා 10,000ක මුදලක් අල්ලස් ලෙස ඉල්ලා ලබා ගැනීමේ චෝදනාව මත සැකකරු අද (16) පස්වරුවේ අදාළ පැමිණිලිකාරියගේ නිවසේදී අල්ලස් කොමිසම විසින් අත්අඩංගුවට ගෙන තිබේ.
අත්අඩංගුවට ගත් සැකකරු හෙට (17) කුච්චවේලි සංචාරක මහේස්ත්රාත් අධිකරණය වෙත ඉදිරිපත් කිරීමට නියමිතය.
