පාර්ලිමේන්තුවේ නියෝජ්ය මහ ලේකම් හා කාර්ය මණ්ඩල ප්රධානි ජ්යෙෂ්ඨ නීතීඥ ජී.කේ.ඒ. චමින්ද කුමාර කුලරත්න වැඩතහනමකට ලක්ව තිබේ.
ඊයේ (23) සිට ක්රියාත්මක වන පරිදි මෙම වැඩතහනම ක්රියාත්මක වන බව වාර්තා වේ.
ඔහුගේ පත්වීම සම්බන්ධයෙන් මතුව ඇති ගැටලුකාරී තත්ත්වයක් මත මෙම තීරණය ගෙන ඇති අතර 2023 සැප්තැම්බර් 15දා සිට ක්රියාත්මක වන පරිදි ඔහු මෙම ධුරයේ රාජකාරි කරනු ලැබීය.
චමින්ද කුලරත්න රුවන්වැල්ල රාජසිංහ මධ්ය මහා විද්යාලයේ ආදි ශිෂ්යයෙකු වන අතර විවෘත විශ්වවිද්යාලයේ නීතිවේදී උපාධිධාරියෙකු වේ.
ජ්යෙෂ්ඨ නීතීඥ චමින්ද කුලරත්න සිය 20 වසරකට වැඩි වෘත්තිය ගමන් මඟ තුළ පාර්ලිමේන්තුවේ ආණ්ඩු පක්ෂ ප්රධාන සංවිධායක ලේකම්, ජනාධිපති අතිරේක ලේකම්, අග්රාමාත්ය අතිරේක ලේකම්, විපක්ෂ නායක අතිරේක ලේකම්, එක්සත් රාජධානියේ ලන්ඩන්හි ශ්රී ලංකා මහ කොමසාරිස් කාර්යාලයේ අමාත්ය උපදේශක, ජනාධිපති ජ්යෙෂ්ඨ සහකාර ලේකම්, ජනාධිපති සහකාර ලේකම් ඇතුළු රජයේ විධායක මට්ටමේ පරිපාලන තනතුරු රැසක් හොබවා තිබේ.
