අත්අඩංගුවට ගෙන රක්ෂිත බන්ධනාගාර ගත කර සිටි හිටපු අමාත්ය ජොන්ස්ටන් ප්රනාන්දු ඇතුළු සැකකරුවන් 5 දෙනෙකු යළි රක්ෂිත බන්ධනාගාර ගත කිරීමට අධිකරණය නියෝග කර තිබේ.
ඒ එම සැකකරුවන්ට එරෙහිව පැවැති නඩුව අද (30) කැඳවූ අවස්ථාවේදීය.
ඒ අනුව එම සැකකරුවන් එළැඹෙන 13 වැනිදා දක්වා රක්ෂිත බන්ධනාගාර ගත කිරීමට මහේස්ත්රාත්වරයා මෙහිදී නියෝග කළේය.
ජොන්ස්ටන් ප්රනාන්දු මහතා සමූපකාර සහ අභ්යන්තර වෙළෙඳ කටයුතු අමාත්යවරයා ලෙස සිටියදී සතොස ආයතනයේ ලොරි රථයක් අවභාවිත කිරීමේ සිද්ධියට අදාළව ගොනු කෙරෙනු නඩුවක් මත මෙම සැකකරුවන් මූල්ය අපාරාධ විමර්ශන කොට්ඨාසය මගින් අත්අඩංගුවට ගෙන වත්තල අධිකරණයට ඉදිරිපත් කළේය.
එහිදී වත්තල මහේස්ත්රාත් අධිකරණය නියෝග කළේ අදාළ සැකකරුවන් රක්ෂිත බන්ධනාගාරගත කිරීමටයි.
