ලොව රන් සහ රිදී මිල තවත් පහළට : අද මිල මෙන්න!

ලොව රන් සහ රිදී මිල ගණන් හදිසි පහළ යෑමකට ලක්ව ඇති බව විදෙස් මාධ්‍ය වාර්තා කරයි.

අද (31) වනවිට රන් අවුන්සයක මිල ඇ.ඩො. 4,893.2ක් දක්වා අඩුවී ඇති අතර, එය ඊයේ (30) දිනයට සාපේකෂව අ.ඩො. 434.45ක පහළ යාමක්ය. ප්‍රතිශතයක් ලෙස මෙම පහළයෑම 8.15%කි.

රිදී මිල ගණන්ද දැවැන්ත ලෙස පහළ බැස තිබේ.

අද වනවිට රිදී අවුන්සයක මිල ඇ.ඩො. 85.34ක් වන අතර, එය පෙර දිනයට සාපේක්ෂව අ.ඩො. 29.16ක මිල පහළයෑමක්ය. ප්‍රතිශතයක් ලෙස එය 25.46%ක් වේ.

මේ අනුව ගතවූ පැය 48 තුළ රන් සහ රිදී වෙළෙඳපොළෙන් ඩොලර් ට්‍රිලියන 15ක් පමණ ඈවර වී තිබෙන බව ජාත්‍යන්තර වාණිජ පුවත් වාර්තා තහවුරු කරයි.

කෙසේ වෙතත් රන් මිල තවමත් පවතින්නේ 2025 වසරට වඩා දෙගුණයක් පමණ ඉහළ මට්ටමකින්ය.