රජයේ විගණකාධිපති වශයෙන් රජයේ විගණකාධිපති දෙපාර්තමේන්තුවේ ජ්යෙෂ්ඨ නියෝජ්ය විගණකාධිපති වශයෙන් කටයුතු කළ සමුදිකා ජයරත්නගේ නම අනුමත කිරීමට අද (03) රැස්වූ ආණ්ඩුක්රම ව්යවස්ථා සභාව තීරණය කර තිබේ.
ජනාධිපතිවරයා විසින් ආණ්ඩුක්රම ව්යවස්ථා සභාවට නිර්දේශ කර එවන ලද සමුදිකා ජයරත්නගේ නම කතානායකවරයාගේ ප්රධානත්වයෙන් අද රැස් වූ ආණ්ඩුක්රම ව්යවස්ථා සභාව ඒකමතිකව අනුමත කළ බව දේශපාලන අභ්යන්තර ආරංචි මාර්ග පවසයි.
රජයේ විගණකාධිපතිවරයා පත්කිරීම සම්බන්ධයෙන් ආණ්ඩුක්රම ව්යවස්ථා සභාව මීට පෙර අවස්ථා කිහිපයකදීම රැස්වූ අතර එහිදී එකඟතාවයකට පැමිණීමට නොහැකි වූ නිසා ජනාධිපතිවරයා මීට පෙර එවන ලද නම්වලට අනුමැතිය ලබාදීමට ව්යවස්ථා සභාවට නොහැකි විය.
