ජනප්රිය රංගන ශිල්පියෙකු වන විරාජ් ධනූෂ විතානගේ නම් අය කොකේන් මත්ද්රව්ය සන්තකයේ තබා ගෙන සිටියදී අත්අඩංගුවට ගත් බව මත්තේගොඩ පොලිසිය පවසයි.
එම සැකකරු සන්තකයේ තිබී කොකේන් මත්ද්රව්යය මිලිග්රෑම් 10ක් පොලිස් භාරයට ගෙන ඇති බව වාර්තා වේ.
මත්තෙගොඩ පොලිසියේ ස්ථානාධිපති ඇතුළු කණ්ඩායමක් පිළියන්දල නගරය ආසන්නයේ මත්ද්රව්ය වැටලීමකට පැමිණ සැකකරු රැඳී සිටි කාමරය පරික්ෂා කර ඇති අතර අනතුරුව සැකකරු පරික්ෂා කිරීමේදී ඔහු සන්තකයේ තිබූ මෙම කොකේන් මත්ද්රව්ය සොයාගත් බව පොලිසිය සඳහන් කරයි.
අත්අඩංගුවට ගත් 26 හැවිරිදි සැකකරු අනුරාධපුර පදිංචිකරුවෙක් වන අතර ඔහුව කැස්බෑව මහේස්ත්රාත් අධිකරණය වෙත ඉදිරිපත් කිරීමට නියමිතයි.
ගල්කිස්ස කොට්ඨාස භාර ජ්යෙෂ්ඨ පොලිස් අධිකාරී අශෝක ගුණසේකරගේ උපදෙස් පරිදි සහකාර පොලිස් අධිකාරි එම් ඩි ඩි නිලංගගේ මෙහෙයවීමෙන් මත්තේගොඩ පොලිසියේ ස්ථානාධිපති පොලිස් පරීක්ෂක ඉන්දික කුමාර ඇතුළු කණ්ඩායමක් සිද්ධිය පිළිබඳව පරීක්ෂණ පවත්වයි.
