රුපියල් ලක්ෂ 30ක මත්කරල් තොගයක් සමඟ අඹුසැමි යුවළක් ඇතුළු පුද්ගලයින් තිදෙනෙකු අත්අඩංගුවට ගෙන ඇති බව පානදුර දකුණ මූලස්ථාන පොලීසිය පවසයි.
මෙසේ අත්අඩංගුවට ගෙන ඇත්තේ පානදුර සහ එගොඩඋයන ප්රදේශයේ පදිංචි 37,20 සහ 19 වයසැති තිදෙනෙකු බව පොලීසිය සඳහන් කරයි.
කොට්ඨාස බුද්ධි අංශ නිළධාරීන්ට ලද තොරතුරක් මත උප පොලිස් පරීක්ෂක විපුල් අබේසිරිගේ ප්රධානත්වයෙන් පොලිස් කණ්ඩායම පානදුර උඩහමුල්ල ප්රදේශයේ සිදුකළ වැටලීමකදී මෙලෙස මත්කරල් 20000ක් සහ සැකකරුවන් අත්අඩංගුවට ගෙන තිබේ.
අඹුසැමි යුවළ රුපියල් 23,000ක මුදලකට කුලියට ලබාගත් නිවසක රැදී සිටිමින් මත්කරල් ව්යාපාරය සිදුකරගෙන ගොස් ඇති බවට මෙතෙක් සිදුකළ පරීක්ෂණවලදී හෙලිව ඇති බව පොලීසිය සදහන් කරයි.
සැකකරුවන් පානදුර මහෙස්ත්රාත් අධිකරණයට ඉදිරිපත් කිරීමට නියමිතව ඇති බව සඳහන් වෙයි.
