මැදපෙරදිග යුදමය තත්ත්වය හේතුවෙන් ජෙට් ඉන්ධන මිල ඉහළ යෑම හේතුකොට ගෙන ඔස්ට්රේලියාව සහ නවසීලන්තය අතර අභ්යන්තර සහ ඍජු ගුවන් ගමන් කිහිපයක් අවලංගු කර තිබේ.
මේ අතර, මැයි මාසයේ දී ගුවන් ගමන්වලින් 12%ක් පමණ බලපෑමට ලක්ව ඇති අතර, ප්රධාන වශයෙන් ඕක්ලන්ඩ් සහ ක්රයිස්චර්ච්, වෙලින්ටන්, සිඩ්නි සහ බ්රිස්බේන් අතර මෙලෙස ගුවන් ගමන් අවලංගු වන බව විදෙස් මාධ්ය වාර්තා කර ඇත.
කෙසේ වෙතත් බොහෝ මගීන්ට විකල්පයක් ලෙස අදාළ දිනයේ දීම තවත් ගුවන් ගමනක් ලබාදීමට කටයුතු කළ බවද අදාළ ගුවන් සමාගම් පවසා තිබේ.
මේ සම්බන්ධයෙන් ගනුදෙනුකරුවන් පත්වෙන අපහසුතාවය පිළිබඳ කනගාටුව ප්රකාශ කරන අතර ඔවුන්ට ස්තූතිවන්ත වෙන බවද එම ගුවන් සමාගම් සඳහන් කරයි.
ඉන්ධන මිල සහ ඉන්ධන ලබාගැනීමට ඇති අපහසුතාවය මත වියට්නාම ගුවන් සේවය ද සතියකට දේශීය ගුවන් ගමන් 24කට ආසන්න ප්රමාණයක් අවලංගු කර ඇත.
මේ අතර, මියන්මාරයේ ගුවන් සමාගම් ද ඔවුන්ගේ දේශීය කාලසටහන්වල කප්පාදුවක් සිදුකර තිබේ.
