තන්වීර් ආයතනයේ ප්රධානත්වයෙන් සංවිධානය කරන ලද “බෞද්ධ – මුස්ලිම් සංවාදය” ග්රන්ථ එළිදැක්වීමේ මහෝත්සවය 2026 මැයි මස 12 වන දින කොළඹ බණ්ඩාරනායක ජාත්යන්තර අනුස්මරණ සම්මන්ත්රණ ශාලාවේදී ගෞරවාන්විත අයුරින් පැවැත්වුණා.
මෙම ග්රන්ථය ආචාර්ය ආසාද් සිරාස් සහ ත්රිපිටකාචාර්ය රමේෂ් මධුසංඛ යන විද්වතුන් දෙපළගේ ඒකාබද්ධ පර්යේෂණාත්මක සම්පාදනයක් වන අතර, බෞද්ධ හා මුස්ලිම් ආගමික සම්ප්රදායන් අතර සංවාදය, අවබෝධය සහ සහජීවනය වර්ධනය කිරීමේ අරමුණින් මෙම කෘතිය සකස් කර තිබෙනවා.
මෙම ග්රන්ථයෙහි පොදු තේමා 6ක් යටතේ බෞද්ධ සහ ඉස්ලාම් ඉගැන්වීම් පිළිබඳව වෙන් වෙන්ව කරුණු දැක්වීමක් සිදු කොට ඇති අතර, එහි ඉස්ලාම් ඉගැන්වීම් ආචාර්ය ආසාද් සිරාස් විසින්ද බෞද්ධ ඉගැන්වීම් ත්රිපිටකාචාර්ය රමේෂ් මධුසංඛ විසින්ද ඉදිරිපත් කර තිබේ.
ශ්රී ලංකා ඉතිහාසයේ බෞද්ධ සහ මුස්ලිම් දෙදෙනෙකු විසින් තම ආගමික ඉගැන්වීම් වෙන වෙනම පොදු තේමා යටතේ එක් ග්රන්ථයක ඉදිරිපත් කරන ලද පළමු අවස්ථාව ලෙසද මෙම ග්රන්ථය සැලකිය හැකියි.
මෙම උත්සවයේ මුලාසනය හොබවන ලද්දේ ශ්රී ලංකා බෞද්ධ හා පාලි විශ්වවිද්යාලයේ හිටපු උපකුලපති, ජ්යේෂ්ඨ මහාචාර්ය පූජ්ය ගල්ලෑල්ලේ සුමනසිරි ස්වාමීන් වහන්සේ විසිනි.
ප්රධාන ආරාධිත අමුත්තා ලෙස බුද්ධශාසන, ආගමික හා සංස්කෘතික කටයුතු අමාත්ය ආචාර්ය හිනිදුම සුනිල් සෙනෙවි මහතා සහභාගී වූ අතර, සමස්ත ලංකා ඉස්ලාම් ආගමික විද්වතුන්ගේ සභාවේ (ACJU) මහ ලේකම් අෂ් ෂෙයික් අර්කම් නුරාමිත් මහතා ද මෙම අවස්ථාවට එක්වුණා.
එමෙන්ම පේරාදෙණිය විශ්වවිද්යාලයේ දර්ශන අධ්යයන අංශයේ ජ්යේෂ්ඨ කථිකාචාර්ය සමන්ත ඉලංගකෝන් මහතා, සර්ව ආගමික නායකයන්, විද්වත් පිරිස් සහ සම්භාවනීය අමුත්තන් රැසක්ද මෙම මහෝත්සවයට සහභාගී වුණා.
ආගමික අවබෝධය සහ සංවාද සංස්කෘතිය ප්රවර්ධනය කිරීමේ වැදගත් පියවරක් ලෙස මෙම ග්රන්ථ එළිදැක්වීම සැලකිය හැකියි.
ඔබට දැන් මෙම “බෞද්ධ – මුස්ලිම් සංවාදය” ග්රන්ථය සියලුම සමුද්රා පොත්සැල් වෙතින් මිලදී ගැනීමට හැකියාව පවතින අතර, Online හරහාද මිලදී ගැනීමට අවස්ථාව සලසා තිබෙනවා.
එසේම Online හරහා මිලදී ගැනීමට කැමති පාඨකයන්ට Islamic Book House, Dematagoda Road, Colombo 09 ආයතනය හරහා පහත දුරකථන අංක අමතා ග්රන්ථය ලබාගත හැකියි.
075 740 0800
075 988 7122
