ලොව පුරා අතිශය ජනප්රියත්වයට පත් වූ Game of Thrones කතාමාලාවේ පළමු කොටසේදී ඩෙනේරිස් ටාගේරියන් (Daenerys Targaryen) චරිතයට හිමි වූ මකර බිත්තර තුන සහ ඒවා තැන්පත් කර තිබූ ලී පෙට්ටිය ප්රථම වරට වෙන්දේසියට ඉදිරිපත් කිරීමට නියමිත බව විදෙස් මාධ්ය වාර්තා කරයි.
මෙම මුල් නිර්මාණ Heritage Auctions ආයතනය මගින් එළඹෙන ජූලි 15 වනදා වෙන්දේසි කිරීමට සැලසුම් කර තිබේ.
වාර්තා අනුව මේ වනවිටත් ඒ සඳහා ඇමෙරිකානු ඩොලර් 21,000ක ආරම්භක ලංසුවක් ලැබී ඇති අතර, අවසානයේදී එය ඊට වඩා ඉහළ මිලකට අලෙවි වනු ඇතැයි අපේක්ෂා කෙරේ.
මීට පෙර 2024 වසරේදීද Game of Thrones කතාමාලාවට අයත් Daenerys Targaryenගේ ඇඳුම්, Iron Throne අනුරුව සහ Jon Snow භාවිත කළ අසිපත ඇතුළු භාණ්ඩ කිහිපයක් වෙන්දේසි කර තිබුණි.
එමෙන්ම HBO (Home Box Office) ආයතනය විසින් මෙම මකර බිත්තර කතාමාලාවේ රූගත කිරීම් සඳහා භාවිත කළ මුල්ම භාණ්ඩ බවට නිල සහතිකයක් ලබා දී ඇති බවද වාර්තාවල සඳහන් වේ.
