කන්කසන්තුරය සිට මන්නාරම හරහා කල්පිටිය දක්වා සහ මාතර සිට හම්බන්තොට හරහා පොතුවිල් දක්වා වන මුහුදු ප්රදේශ සඳහා කාලගුණවිද්යා දෙපාර්තමේන්තුව විසින් අවවාදාත්මක නිවේදනයක් නිකුත් කර තිබේ.
නිවේදනයට අනුව, එම මුහුදු ප්රදේශවල සුළං වේගය විටින් විට පැයට කිලෝමීටර් 50 සිට 60 දක්වා ඉහළ යා හැකි අතර, මුහුද තාවකාලිකව රළු වීමේ අවදානමක් ද පවතින බව සඳහන් වේ.
එමෙන්ම හලාවත සිට කොළඹ, ගාල්ල සහ හම්බන්තොට හරහා පොතුවිල් දක්වා වන වෙරළට ඔබ්බෙන් පිහිටි මුහුදු ප්රදේශවල රළ උස මීටර් 2.0 සිට 2.5 දක්වා ඉහළ යා හැකි බවද කාලගුණ අංශ අනතුරු අඟවයි.
මේ හේතුවෙන් ධීවර හා නාවික ප්රජාව විශේෂ අවධානයෙන් කටයුතු කළ යුතු බවත්, ඉදිරියේදී නිකුත් කෙරෙන කාලගුණ නිවේදන පිළිබඳව අවධානයෙන් පසුවන ලෙසත් කාලගුණවිද්යා දෙපාර්තමේන්තුව ඉල්ලීමක් කර තිබේ.
