අපරාධ පරීක්ෂණ දෙපාර්තමේන්තුවේ භාරයේ සිටියදී පලායාමට කුමන්ත්රණය කළ බවට චෝදනා ලැබ සිටින නදුන් චින්තක වික්රමරත්න හෙවත් ‘හරක් කටා’ ඇතුළු විත්තිකරුවන් පස්දෙනාට එරෙහිව ත්රස්තවාදය වැළැක්වීමේ පනත යටතේ චෝදනා පවත්වාගෙන යා නොහැකි බවට මීට පෙර ලබාදුන් තීන්දුවට එරෙහිව අභියාචනයක් ගොනු කරන බව නීතිපතිවරයා කොළඹ මහාධිකරණයට දැනුම්දී තිබේ.
මෙම නඩුව අද (03) කොළඹ මහාධිකරණ විනිසුරු බුද්ධික සී. රාගල මහතා ඉදිරියේ කැඳවූ අවස්ථාවේදී නීතිපතිවරයා වෙනුවෙන් පෙනී සිටි රජයේ නීතිඥවරයා එම දැනුම්දීම සිදුකර ඇත.
අනතුරුව විත්තිකරුවන්ගේ ඇප ඉල්ලීම සලකා බැලූ මහාධිකරණය, ඒ සම්බන්ධයෙන් නියෝගය අගෝස්තු 20 වැනිදා ප්රකාශයට පත් කරන බව දැනුම් දුන්නේය.
මේ අතර, ත්රස්තවාදය වැළැක්වීමේ පනත යටතේ ගොනුකර තිබූ චෝදනා ඉවත් කර ඇති බැවින්, දැනට තංගල්ල පැරණි බන්ධනාගාරයේ රැඳවුම් භාරයේ සිටින ‘හරක් කටා’ සුදුසු බන්ධනාගාරයක රඳවා තැබීමට ද මහාධිකරණ විනිසුරුවරයා නියෝග කළේය.
