යල කන්නයට අදාළ වී මිලදී ගැනීමේ වැඩසටහන අඛණ්ඩව ක්රියාත්මක වන අතර, ජූලි මාසයේ සිට මේ දක්වා කාලය තුළ වී ටොන් 19,592ක් මිලදී ගෙන ඇති බව වී අලෙවි මණ්ඩලය පවසයි.
වී අලෙවි මණ්ඩලයේ සභාපති මංජුල පින්නලන්ද මහතා සඳහන් කළේ, ගොවීන්ගේ අස්වනු මිලදී ගැනීම පහසු කිරීම සඳහා අස්වනු නෙළන ප්රදේශ අනුව ගබඩා විවෘත කිරීමේ කටයුතු අඛණ්ඩව සිදුකරන බවයි.
ඒ අනුව මේ වනවිට දිවයින පුරා වී ගබඩා 100කට වැඩි සංඛ්යාවක් විවෘත කර ඇති අතර, අස්වනු නෙළීමේ ප්රගතියට අනුව තවත් ගබඩා විවෘත කිරීමට සැලසුම් කර තිබේ.
පොළොන්නරුව දිස්ත්රික්කයේ සියලු ගබඩා මෙතෙක් විවෘත කර නොමැති අතර, දැනට සීමිත ගබඩා සංඛ්යාවක් පමණක් ක්රියාත්මක වන බව සභාපතිවරයා පැවසීය.
එම ප්රදේශවල අස්වනු නෙළීම වේගවත් වීමත් සමඟ ඉතිරි ගබඩාද අදියරෙන් අදියර විවෘත කරමින් ගොවීන්ගේ වී තොග මිලදී ගැනීමේ කටයුතු පුළුල් කිරීමට අපේක්ෂා කරන බව වී අලෙවි මණ්ඩලයේ සභාපති මංජුල පින්නලන්ද මහතා වැඩිදුරටත් සඳහන් කළේය.
