බස්නාහිර සහ සබරගමුව පළාත්වල මෙන්ම මහනුවර, නුවරඑළිය, ගාල්ල සහ මාතර දිස්ත්රික්කවලත් අද දිනයේ විටින් විට වැසි හෝ ගිගුරුම් සහිත වැසි ඇති විය හැකි බව කාලගුණ විද්යා දෙපාර්තමේන්තුව සඳහන් කරයි.
ඌව පළාතේ සහ අම්පාර, මඩකළපුව හා මුලතිව් දිස්ත්රික්කවල ස්ථාන කිහිපයකට පස්වරු 2.00න් පසුව වැසි හෝ ගිගුරුම් සහිත වැසි ඇතිවීමේ හැකියාව පවතින බවද එම දෙපාර්තමේන්තුව පවසයි.
මේ අතර, වයඹ පළාතට වැසි වාර කිහිපයක් ඇති විය හැකි අතර, උතුරු මැද, වයඹ, මධ්යම සහ දකුණු පළාත්වල මෙන්ම ත්රිකුණාමලය දිස්ත්රික්කයේද විටින් විට පැයට කිලෝමීටර් 30ත් 40ත් අතර වේගයකින් තද සුළං හමා යා හැකි බව අනාවැකි පළ කර තිබේ.
ගිගුරුම් සහිත වැසි ඇතිවන අවස්ථාවලදී තාවකාලිකව තද සුළං සහ අකුණු ඇතිවිය හැකි බැවින්, එමඟින් සිදුවිය හැකි අනතුරු අවම කර ගැනීම සඳහා අවශ්ය ආරක්ෂිත පියවර ගන්නා ලෙස කාලගුණ විද්යා දෙපාර්තමේන්තුව ජනතාවගෙන් ඉල්ලා සිටී.
විශේෂයෙන් ගිගුරුම් සහිත වැසි පවතින අවස්ථාවල විවෘත ප්රදේශවල රැඳී සිටීමෙන් වළකින ලෙසත්, කාලගුණ තත්ත්වය පිළිබඳව අවධානයෙන් පසුවන ලෙසත් ජනතාවට දැනුම් දී තිබේ.
