කාලගුණවිද්යා දෙපාර්තමේන්තුවේ ස්වභාවික විපත් පිළිබඳ පූර්ව අනතුරු ඇඟවීමේ මධ්යස්ථානය විසින් දිවයින වටා මුහුදු ප්රදේශ කිහිපයක් සඳහා තද සුළං සහ රළු මුහුදු තත්ත්වය සම්බන්ධයෙන් අවවාදාත්මක නිවේදනයක් නිකුත් කර තිබේ.
අද (12) දහවල් නිකුත් කර ඇති මෙම නිවේදනය හෙට (13) දහවල් 12.00 දක්වා පැය 24ක කාලයක් සඳහා බලපැවැත්වේ.
ඒ අනුව, මාතර සිට හම්බන්තොට හරහා පොතුවිල් දක්වා වෙරළට ඔබ්බෙන් වූ මුහුදු ප්රදේශ මෙන්ම, හලාවත සිට පුත්තලම සහ මන්නාරම හරහා කන්කසන්තුරය දක්වා වෙරළට ඔබ්බෙන් වූ මුහුදු ප්රදේශ පිළිබඳව විශේෂ අවධානය යොමු කරන ලෙස දැනුම් දී ඇත.
අදාළ මුහුදු ප්රදේශවල සුළගේ වේගය විටින් විට පැයට කිලෝමීටර් 50ක් පමණ දක්වා ඉහළ යා හැකි අතර, එම හේතුවෙන් මුහුද විටින් විට රළු විය හැකි බව කාලගුණවිද්යා දෙපාර්තමේන්තුව සඳහන් කරයි.
පවතින තත්ත්වය සැලකිල්ලට ගනිමින් එම මුහුදු ප්රදේශවල ධීවර හා නාවික කටයුතුවල නිරත වන පිරිස් දැඩි අවධානයෙන් සහ විමසිලිමත්ව කටයුතු කරන ලෙසද වැඩිදුරටත් දැනුම් දී තිබේ.
