ඓතිහාසික මහනුවර ඇසළ පෙරහැර මංගල්යයට සමගාමීව සිදුකෙරෙන කප් සිටුවීමේ චාරිත්රය අද (13) සුබ මොහොතින් සිදුකර තිබේ.
අද පෙරවරු 6.17ට යෙදී තිබූ සුබ වේලාවේදී කප් සිටුවීමේ චාරිත්රය සිදුකළ බව වාර්තා වේ.
කප් සිටුවීමෙන් අනතුරුව අගෝස්තු 17 වැනිදා දක්වා දින පහක් නාථ, විෂ්ණු, පත්තිනි සහ කතරගම යන සිව් මහා දේවාලයන්හි අභ්යන්තර පෙරහැර පැවැත්වීමට නියමිතය.
අනතුරුව පළමු කුඹල් පෙරහැර අගෝස්තු 18 වැනිදා වීථි සංචාරය ආරම්භ කරන අතර, එය 22 වැනිදා දක්වා පැවැත්වේ.
අගෝස්තු 23 වැනිදා පළමු රන්දෝලි පෙරහැර වීථි සංචාරය ආරම්භ කිරීමට නියමිත අතර, අවසන් මහා රන්දෝලි පෙරහැර අගෝස්තු 27 වැනිදා පැවැත්වීමට කටයුතු යොදා ඇත.
අගෝස්තු 28 වැනිදා දිය කැපීමේ පෙරහැර සහ දහවල් පෙරහැර පැවැත්වීමෙන් අනතුරුව මෙවර ඇසළ පෙරහැර මංගල්යයේ කටයුතු අවසන් කිරීමට නියමිතය.
එදින පස්වරුවේ දියවඩන නිලමේවරයා විසින් පෙරහැර සාර්ථකව පැවැත්වූ බවට වූ පෙරහැර සංදේශය මහනුවර ජනාධිපති මන්දිරයේදී ජනාධිපතිවරයා වෙත භාරදීමෙන් පසු මහනුවර ඇසළ පෙරහැර මංගල්යය නිල වශයෙන් අවසන් වනු ඇත.
