මෙරටින් වාර්තා වන ඩෙංගු මරණ සංඛ්යාව මේ වනවිට 68ක් දක්වා ඉහළ ගොස් ඇති බව වාර්තා වේ.
ජාතික ඩෙංගු මර්දන ඒකකයේ නවතම දත්ත අනුව, මෙම වසරේ මේ දක්වා ඩෙංගු රෝගීන් 91,059 දෙනෙකු හඳුනාගෙන තිබේ.
එම සමස්ත රෝගීන්ගෙන් 52.98%ක් එනම් 48,244 දෙනෙකුම බස්නාහිර පළාතෙන් වාර්තා වී ඇත.
දිස්ත්රික් මට්ටමින් වැඩිම ඩෙංගු බලපෑමක් ගම්පහ දිස්ත්රික්කයෙන් වාර්තා වී ඇති අතර, එහි රෝගීන් 19,406 දෙනෙකු හඳුනාගෙන තිබේ. එය සමස්ත රෝගීන්ගෙන් 21.31%කි.
කොළඹ දිස්ත්රික්කයෙන් රෝගීන් 18,101ක් (19.88%) සහ මහනුවර දිස්ත්රික්කයෙන් රෝගීන් 6,491ක් (7.13%) වාර්තා වී ඇත.
මේ අතර, මෙම වසරේ මාසික වශයෙන් වැඩිම ඩෙංගු රෝගීන් සංඛ්යාවක් පසුගිය ජූලි මාසයේදී වාර්තා වී ඇති අතර, එම සංඛ්යාව 29,971කි.
අගෝස්තු මාසයේ ගතවූ දින කිහිපය තුළ පමණක් ඩෙංගු රෝගීන් 5,714 දෙනෙකු හඳුනාගෙන ඇති බව දත්ත පෙන්වා දෙයි.
මේ අතර, සෞඛ්ය බලධාරීන් විසින් සෞඛ්ය වෛද්ය නිලධාරී බලප්රදේශ 119ක් තවදුරටත් ඩෙංගු අධි අවදානම් කලාප ලෙස නම් කර තිබේ.
