කොළඹ මෙට්රෝ බස් රථ සේවාව සැප්තැම්බර් අග වන විට තවදුරටත් පුළුල් කිරීමට අපේක්ෂා කරන බව ප්රවාහන අමාත්ය බිමල් රත්නායක පවසනවා.
කොළඹ සහ තදාසන්න ප්රදේශ ආවරණය වන පරිදි සැකසූ නව බස් මාර්ග සිතියම, සිය X ගිණුම හරහා ප්රකාශයට පත් කරමින් අමාත්යවරයා සඳහන් කළේ මෙම සේවාව මගින් මගීන්ට සුරක්ෂිත මෙන්ම සුවපහසු ගමන් අත්දැකීමක් හිමි වන බවයි.
Lanka Metro Transit සේවාව හරහා නිකුත් කර ඇති නව සිතියම මගින් කොළඹ ප්රධාන තදාසන්න ප්රදේශ සහ ප්රවාහන මධ්යස්ථාන සම්බන්ධ වන පරිදි බස් රථ සේවා හතක් හඳුන්වා දී තිබෙනවා.
- CM 01: මාකුඹුර සිට පිටකොටුව දක්වා
- CM 02: මිලේනියම් සිටි සිට කොළඹ කොටුව දක්වා
- CM 03: කඩවත සිට මාකුඹුර දක්වා
- CM 04: දෙමටගොඩ සිට පානදුර දක්වා
- CM 05: බත්තරමුල්ල සිට ඒකල දක්වා
- CM 06: කොල්ලුපිටිය වටරවුම් මාර්ගය
- CM 08: කහතුඩුව සිට පිටකොටුව
මෙම ප්රවාහන ජාලය මගින් මහරගම, නුගේගොඩ, බත්තරමුල්ල, මාලබේ, දෙහිවල, මොරටුව සහ ජාඇල යන ප්රධාන ප්රදේශ රැසක් ආවරණය වන අතර, සේවාව ආරම්භ කරන නිශ්චිත දිනයක් මෙතෙක් නිල වශයෙන් ප්රකාශයට පත් කර නොමැති බව වැඩිදුරටත් වාර්තා වනවා.
