හිටපු ජනාධිපති ගෝඨාභය රාජපක්ෂ මහතාගේ පෞද්ගලික ලේකම්වරයා වශයෙන් කටයුතු කළ සුගීෂ්වර බණ්ඩාර හට ජනාධිපති කාර්යාලයෙන් ගෙවූ බව කියන වැටුප් මුදල් බැර වී ඇත්තේ ගෝඨාභය රාජපක්ෂගේ සොහොයුරියකගේ පුතෙකුගේ ගිණුමකට බව මධ්යම විමර්ශන කාර්යාංශය කොටුව මහේස්ත්රාත් අධිකරණය හමුවේ අනාවරණය කර තිබෙනවා.
හිටපු ජනාධිපති රනිල් වික්රමසිංහ මහතාගේ පාලන සමයේ විශේෂ ව්යාපෘති අධ්යක්ෂ ජනරාල්වරයා ලෙස කටයුතු කරමින් රුපියල් කෝටි 22කට අධික මුදලක් සාපරාධී සාවද්ය පරිහරණය සහ විශ්වාසය කඩ කිරීමේ චෝදනා මත රක්ෂිත බන්ධනාගාරගත කර සිටින සුගීෂ්වර බණ්ඩාර ඊයේ(23) අධිකරණයට ඉදිරිපත් කළ අවස්ථාවේදී මේ බව අනාරවණය වුණා.
එහිදී සැකකරු වෙනුවෙන් ඉදිරිපත් කළ ඇප ඉල්ලීම ප්රතික්ෂේප කළ කොටුව මහේස්ත්රාත් පසන් අමරසේන මහතා, ඔහුව ලබන 7 වනදා දක්වා තවදුරටත් රක්ෂිත බන්ධනාගාරගත කිරීමට නියෝග කළා.
විමර්ශන ප්රගතිය අධිකරණයට ඉදිරිපත් කළ පොලීසිය සඳහන් කළේ, සැකකරුගේ ගිණුමට අවස්ථා 4කදී රුපියල් ලක්ෂ 50ක මුදලක් සහ අවස්ථා 79කදී රුපියල් එක්කෝටි දහහතර ලක්ෂයකට අධික මුදලක් බැරවී ඇති බවයි.
එමෙන්ම හිටපු ජනාධිපති ගෝඨාභය රාජපක්ෂ මහතාගෙන් ලබාගත් ප්රකාශවලින්ද අදාළ වැටුප් මුදල් බැරවී ඇත්තේ ඔහුගේ සොහොයුරියගේ පුතාගේ ගිණුමට බව තහවුරු වී ඇති අතර එම ගිණුම් හිමිකරුගෙන්ද ප්රකාශ ලබාගෙන තිබෙනවා.
එහිදී එක් ප්රකාශයකින් මුදලින් අඩක් ලැබුණු බවත්, අනෙක් ප්රකාශයෙන් කිසිදු මුදලක් නොලැබුණු බවත් ඔහු පවසා ඇති බැවින් ඒ පිළිබඳ වැඩිදුර විමර්ශන ක්රියාත්මක බව පොලීසිය දැනුම් දුන්නා.
විශේෂ ව්යාපෘති අධ්යක්ෂවරයා ලෙස මොහු යටතේ අධ්යක්ෂවරුන් 22ක් ඇතුළු 135 දෙනෙකු පමණ සේවය කර ඇති බවත්, එම ව්යාපෘතිය හරහා සිදුව ඇත්තේ දේශපාලනය ප්රවර්ධනය කිරීම පමණක් බවත් විමර්ශනවලදී අනාවරණය වූ බව පොලීසිය අධිකරණය හමුවේ කියා සිටියා.
කෙසේ වෙතත්, සැකකරු වෙනුවෙන් පෙනී සිටි ජනාධිපති නීතිඥ මෛත්රී ගුණරත්න මහතා අධිකරණය හමුවේ සඳහන් කළේ, මෙම නඩුව ආරම්භ කළේම සැකකරු වැටුප් දෙකක් ලබාගෙන ඇති බවට චෝදනා කරමින් වුවද, හිටපු ජනාධිපතිවරයාගේ ප්රකාශවලින් පවා ඔහු වැටුප් දෙකක් ලබාගෙන නොමැති බව තහවුරු වී ඇති බවයි.
