රක්ෂිත බන්ධනාගාරගත කර සිටින ශ්රී ලංකා පොදුජන පෙරමුණේ ජාතික සංවිධායක, පාර්ලිමේන්තු මන්ත්රී නාමල් රාජපක්ෂ මහතා අද (29) දින විවෘත අධිකරණය හමුවට ඉදිරිපත් කිරීමට නියමිතව තිබේ. ඒ, ඔහුට එරෙහි ව පවතින ප්රබල අල්ලස් චෝදනා දෙකක්වන ක්රිෂ් ගනුදෙනුව සහ එයාර්බස් ගනුදෙනුව සම්බන්ධ නඩු දෙකට අදාළවයි.
නාගරික සංවර්ධන අධිකාරියට අයත් කොළඹ කොටුව “ට්රාන්ස්වර්ක් චතුරස්රය” ක්රිෂ් පෞද්ගලික සමාගමට බදු දීමේදී රුපියල් මිලියන ගණනක අල්ලස් ලබාගත් බවට නාමල් රාජපක්ෂ මහතා ඇතුළු සිව්දෙනෙකුට එරෙහි ව චෝදනා එල්ල වී ඇත. මෙම නඩුව මුලින් ලබන මස 06 වනදා කැඳවීමට නියමිතව තිබුණද, අල්ලස් කොමිසම විසින් ඉදිරිපත් කළ විශේෂ මෝසමක් සලකා බැලූ කොළඹ ප්රධාන මහේස්ත්රාත් අසංග එස්. බෝදරගම මහතා එම නඩුව අද දිනටම ඉදිරියට ගැනීමට නියෝග කළේය.
එයාර්බස් ගනුදෙනුවට අදාළ අල්ලස් නඩුවේ සැකකරුවෙකු ලෙස නාමල් රාජපක්ෂ මහතා අද දිනයේ අධිකරණයට ඉදිරිපත් කිරීමට නියමිතව තිබූ බැවින්, නඩු කටයුතු පහසු කරගැනීමේ අරමුණින් ක්රිෂ් ගනුදෙනුවට අදාළ නඩුව ද අද දිනම කැඳවන ලෙස අල්ලස් කොමිසම අධිකරණයෙන් ඉල්ලා සිටියේය. එම ඉල්ලීමට අවසර දෙමින් මහේස්ත්රාත්වරයා අදාළ නියෝගය නිකුත් කර ඇත.
