එයාර්බස් ගනුදෙනුව සහ ක්රිෂ් ගනුදෙනුව සම්බන්ධයෙන් සිදුකෙරෙන විමර්ශන හා නඩු කටයුතුවලට අදාළ ව දැනට රක්ෂිත බන්ධනාගාර ගත කර සිටින පාර්ලිමේන්තු මන්ත්රී නාමල් රාජපක්ෂ මහතා, එළඹෙන 13 වැනිදා දක්වා තවදුරටත් රක්ෂිත බන්ධනාගාර ගත කිරීමට කොළඹ ප්රධාන මහේස්ත්රාත් අසංග එස්. බෝදරගම මහතා අද (29) නියෝග කළේය.
අද උදෑසන බන්ධනාගාර නිලධාරීන් විසින් නාමල් රාජපක්ෂ මහතා කොටුව මහේස්ත්රාත් අධිකරණය හමුවට ඉදිරිපත් කරනු ලැබුවේ ක්රිෂ් ගනුදෙනුවට අදාළ නඩුව සහ එයාර්බස් විමර්ශනය යන කරුණු දෙකම පදනම් කරගනිමිනි. එහිදී අල්ලස් හෝ දූෂණ විමර්ශන කොමිෂන් සභාව විසින් ක්රිෂ් ගනුදෙනුව සම්බන්ධයෙන් කොළඹ ප්රධාන මහේස්ත්රාත් අධිකරණයේ පවරා ඇති නඩුවේ සිව්වැනි සැකකරු ලෙස නාමල් රාජපක්ෂ මහතා නම් කර තිබේ.
මෙම නඩු කටයුත්තට අදාළ ව අධිකරණය හමුවේ කරුණු තහවුරු වූ අතර, එයාර්බස් ගනුදෙනුව සම්බන්ධයෙන් දැනට ක්රියාත්මක වන විමර්ශනයන් ද සැලකිල්ලට ගනිමින් මහේස්ත්රාත්වරයා විසින් මෙම දීර්ඝ කළ රක්ෂිත බන්ධනාගාර නියෝගය ලබා දෙන ලදී.
