ක්‍රිෂ් සමාගම් ගනුදෙනුවට අදාළව රුපියල් මිලියන 70ක අල්ලස් මුදලක් ලබාගැනීමේ සහ ලබාදීමේ චෝදනා මත රක්ෂිත බන්ධනාගාරගත කර සිටින පාර්ලිමේන්තු මන්ත්‍රී නාමල් රාජපක්ෂ මහතා සහ ක්‍රිෂ් සමාගමේ හිටපු අධ්‍යක්ෂක ජානකී සිරිවර්ධන මහත්මිය ලබන 23 වනදා දක්වා තවදුරටත් රක්ෂිත බන්ධනාගාරගත කිරීමට කොළඹ මහේස්ත්‍රාත් අධිකරණය නියෝග කර ඇත. අල්ලස් හෝ දූෂණ චෝදනා විමර්ශන කොමිෂන් සභාව විසින් මෙම සැකකරුවන් අත්අඩංගුවට ගෙන අධිකරණයට ඉදිරිපත් කර තිබුණි.
මෙම නඩුවට අදාළ ව සැකකාර ජානකී සිරිවර්ධන මහත්මිය විසින් ඉදිරිපත් කළ ඇප ඉල්ලීම මහේස්ත්‍රාත්වරයා විසින් ප්‍රතික්ෂේප කර ඇති අතර, නාමල් රාජපක්ෂ මහතාගේ ඇප නියෝගය මෙතෙක් සූදානම් කර නොමැති බැවින් එය ඊළඟ නඩු දිනයේ දී ප්‍රකාශයට පත් කරන බව කොළඹ ප්‍රධාන මහේස්ත්‍රාත් අසංග එස්. බෝදරගම මහතා සඳහන් කර ඇත.