කොටස් වශයෙන් ආනයනය කර එකලස් කරන ලද අධි ඇන්ජින් ධාරිතාවය සහිත යතුරු පැදි හයක් අත් අඩංගුවට ගෙන තිබෙන බව ගම්පහ කොට්ඨාස අපරාධ විමර්ශන කාර්යාංශය සදහන් කළා.
පොලීසියට ලද තොරතුරක් මත කරන ලද මෙම යතුරු පැදි ළඟ තබා ගෙන සිටි බව කියන හේනේගම ප්‍රදේශයේ පදිංචි 64 හැවිරිදි සහ 26 හැවිරිදි පුද්ගලයන් දෙදෙනකු ද අත් අඩංගුවට ගෙන තිබෙනවා.
මෙලෙස එකලස් කොට ඇති යතුරු පැදි මෙරට සාමාන්‍ය ජනතාවට පරිහරණය කිරීමට අවසර නොමැති ඇන්ජින් ධාරිතාවය 1,000 CC ප්‍රමාණයේ ඒවා බවයි පොලීසිය පැවසුවේ.
මෙම යතුරු පැදි අතර BMW වර්ගයේ යතුරුපැදි තුනක් සහ ඩුකාටි වර්ගයේ යතුරුපැදි තුනක් වන බවත් මින් යතුරු පැදි පහක් එක් පුද්ගලයකු සතුව සහ එක් යතුරු පැදියක් අනෙක් පුද්ගලයා සතුවත් තිබී අත් අඩංගුවට ගත් බවද පොලීසිය සඳහන් කළා.
54
/ 100
SEO Score
