ඩුබායි හි පැවැත්වෙන 14 වැනි ෆාසා ජාත්යන්තර මලල ක්රීඩා ශූරතාවලියේදී ශ්රී ලංකා පැරා මලල ක්රීඩක ක්රීඩිකාවන් රන් පදක්කම් දෙකක් ඇතුළුව පදක්කම් හතරක් දිනා ගැනීමට සමත් වුණා.
සමන් සුබසිංහ සහ අනිල් ප්රසන්න රන් පදක්කම් දිනාගත් අතර ඉන්දික ගමගේ රිදී පදක්කමකටද ප්රදීප් සෝමසිරි ලෝකඩ පදක්කමකටද හිමිකම් කීවේ යුරෝපීය සහ උතුරු අමෙරිකානු ප්රතිවාදීන් පරදවමින්.
Fazza ජාත්යන්තර මලල ක්රීඩා උළෙල ඉසව් හයකින් සමන්විත ලෝක පැරා මලල ක්රීඩා ග්රෑන්ඩ් ප්රී හි කොටසක් වනවා.
සුබසිංහ ටී 47 කාණ්ඩයේ මීටර් 400 ඉසව්ව තත්පර 50.89කින් ජයගත් අතර ප්රසන්න ටී 42 කාණ්ඩයේ මීටර් 100 ඉසව්ව තත්පර 13.50කින් නිම කළා.
ඉන්දික ගමගේ T44 මීටර් 100 ඉසව්ව තත්පර 12.43කින් දෙවැනි ස්ථානයට පත් කළ අතර සෝමසිරි T46 මීටර් 1500 ඉසව්ව තත්පර 4:02:89කින් වාර්තා කරමින් තෙවැනි ස්ථානයට පත්වුණා.
