ලංකා සතොස විසින් භාණ්ඩ වර්ග 10ක මිල අඩු කර තිබෙනවා.
ඒ අනුව වියළි මිරිස් කිලෝව රුපියල් 120කින් ද, දේශීය සම්බා සහල් කිලෝවක මිල රුපියල් 11කින් ද, සුදු සීනි කිලෝවක මිල රුපියල් 07කින් ද, ලොකු ළූණු කිලෝවක මිල රුපියල් 10කින් ද, හාල් මැස්සන් කිලෝව රුපියල් 25කින් ද, කඩල කිලෝවක මිල රුපියල් 15කින් ද, අර්තාපල් (දේශීය) කිලෝවක මිල රුපියල් 10කින් සහ ග්‍රෑම් 425 ටින් මාළු එකක මිල රුපියල් 10 කින් ද, අඩු කර ඇති බවයි ලංකා සතොස පවසන්නේ.
එම මිල සංශෝධනයත් සමග වියළි මිරිස් කිලෝව රුපියල් 1380ක් ලෙස ද, දේශීය සම්බා සහල් කිලෝවක මිල රුපියල් 199ක් ලෙස ද, සුදු සීනි කිලෝවක මිල රුපියල් 210ක් ලෙස ද, ලොකු ළූණු කිලෝවක මිල රුපියල් 119ක් ලෙස ද, හාල් මැස්සන් කිලෝව රුපියල් 1100ක් ලෙස ද, කඩල කිලෝවක මිල රුපියල් 555ක් ලෙස ද, අර්තාපල් (දේශීය) කිලෝවක මිල රුපියල් 270ක් ලෙස සහ ග්‍රෑම් 425 ටින් මාළු එකක මිල රුපියල් 520ක් ලෙසින් පහත වැටී තිබෙනවා.
