හලාවත ජයබිම ප්රදේශයේ මෝටර් රථ අලුත්වැඩියා කරන ස්ථානයක ගින්නක් හටගෙන තිබේ.
පැය කිහිපයක් තිස්සේ ගොඩනැගිල්ල පුරා පැතිරී ගිය ගින්න ප්රදේශවාසීන් සහ හලාවත නගරසභාවේ ගිනි නිවීමේ ඒකකයේ සේවකයින් එක්ව පාලනය කර තිබේ.
අප වාර්තාකරු සඳහන් කළේ ගින්න හේතුවෙන් එම ස්ථානයේ අලුත්වැඩියා සඳහා රැගෙනවිත් තිබූ වැන් රථයක්, මෝටර් රථ 03ක්, ත්රිරෝද රථ කිහිපයක්, යතුරුපැදියක් ඇතුළු තවත් රථවාහන කිහිපයකට දැඩි අලාභහානි සිදුව ඇති බවය.
ගින්න හේතුවෙන් සිදුව ඇති හානිය මෙතෙක් තක්සේරු කර නොමැති අතර ගින්නට හේතුව සොයා පොලීසිය විසින් වැඩිදුර පරීක්ෂණ කටයුතු ආරම්භ කර තිබේ.
