චිත්රපට කර්මාන්තය ගැටලු රැසකට මුහුණ දෙමින් දැඩි පසුබෑමකට ලක්ව ඇති අතර එය නැවත නඟා සිටුවීම සඳහාත්, රූපවාහිනි කර්මාන්තයේ ප්රගමනය සඳහා අවශ්ය මඟ පෙන්වීම සඳහාත් සහ එම කර්මාන්තය නියාමනය කිරීම පිණිසත් ස්වාධීන නියාමන ආයතනයක අවශ්යතාව පෙනී ගොස් ඇත.
ඒ අනුව ජනමාධ්ය අමාත්යතුමා විසින් මේ පිළිබඳව වූ යෝජනාවක් කැබිනට් මණ්ඩලයට ඉදිරිපත් කරන ලදී.
එනම් සිනමා සහ රූපවාහිනී කර්මාන්තයේ අභිවෘද්ධිය පිණිස අවශ්ය පහසුකම් සැලසීමට හා මඟ පෙන්වීමට හැකිවන පරිදි ස්වාධීන නියාමන ආයතනයක් ස්ථාපිත කිරීම පිණිස වූ යෝජනාවයි.
අදාළ යෝජනාවේ සඳහන් ආකාරයට ස්වාධීන නියාමන ආයතනයක් ස්ථාපිත කිරිම සඳහා වූ අවශ්ය පියවර ගැනීමට අමාත්ය මණ්ඩලයේ අනුමැතිය හිමිවී තිබෙනවා.
