ජපන් රජය විසින් අනුග්‍රහය දක්වන යෝජිත සැහැල්ලු දුම්රිය ව්‍යාපෘතිය (LRT) නැවත සක්‍රීය කිරීමට රජය තීරණය කර තිබෙනවා.
ඊට අදාළව යෝජනාව ජනාධිපතිවරයා විසින් ඊයේ (04) පැවැති කැබිනට් රැස්වීමට ඉදිරිපත් කර ඇති බවයි වාර්තා වන්නේ.
ඒ සඳහා කැබිනට් මණ්ඩලයේ ඒකමතික අනුමැතිය හිමිව තිබෙනවා.
මේ අනුව අදාළ යෝජනාවේ කොළඹ ජපාන රාජ්‍යතාන්ත්‍රික දූත මණ්ඩලය සමඟ සාකච්ඡා නැවත සක්‍රීය කරමින් අදාළ ගිවිසුමට එළැඹීම සඳහා උචිත කාලරාමුවක් සකස් කිරීමට අදාළව කරුණු ඇතුළත්ව තිබෙනවා.
