පකිස්තානයේ අධික වර්ෂාවෙන් 40 කට වැඩි පිරිසක් ජීවිතක්ෂයට පත්ව ඇති බව වාර්තා වෙනවා.
පකිස්තානයට මේ වන විටත් වාර්තාගත වර්ෂාපතනයක් පවතින බව සඳහන්.
එරට මාධ්‍ය වාර්තාකොට සිටින්නේ, අධික වර්ෂාපතනය හේතුවෙන් ඉකුත් පැය 24 තුළ 11 දෙනෙකු මියගොස් ඇති බව‍යි.
බොහෝ ප්‍රදේශවල දැඩි ගංවතුර තත්වයක් පවතින අතර අධික වර්ෂාවෙන් දැඩි බලපෑමක් එල්ල වී ඇත්තේ, ඊසාන දිග පන්ජාබ් පලාත්වලටයි.
ඇතැම් ප්‍රදේශවල විදුලිය ද විසන්ධිවී ඇති අතර, නාය අනතුරු කිහිපයක් ද වාර්තා වෙනවා.
ලාහෝර් නගරයට ඉකුත් අඟහරුවාදා පැය 10 ක කාලයක් ඇතුළත මිලිමීටර 291 ක වාර්තා ගත වර්ෂාපතනයක් ලැබී ඇති අතර ඇතැම් ප්‍රධාන මාර්ග ද මේ වන විට ජලයෙන් යටවී පවතින බව සඳහන්.
59
/ 100
SEO Score
