අඹතලේ ජල සැපයුම වැඩිදියුණු කිරීමේ බලශක්ති සංරක්ෂණ ව්‍යාපෘතිය මගින් සිදුකරන අත්‍යවශ්‍ය වැඩිදියුණු කිරීමේ කටයුත්තක් හේතුවෙන් කොළඹ ප්‍රදේශ කිහිපයකට හෙට දිනයේදී ජල සැපයුම අත්හිටුවන බව ජාතික ජල සම්පාදන හා ජලාපවහන මණ්ඩලය පවසනවා.
ඒ අනුව හෙට පස්වරු පහේ සිට පසුදින එනම් ඔක්තෝම්බර් මස 08 වැනිදා පෙරවරු අට දක්වා පැය 15 ක කාලයක් ජල සැපයුම අත්හිටුවනු ඇති.
එලෙස ජල සැපයුම අත්හිටුවනු ලබන්නේ කොළඹ 11, 12, 13, 14 සහ 15 යන ප්‍රදේශවලටයි.
ජල පාරිභෝගිකයින්ගෙන් ජාතික ජල සම්පාදන හා ජලාපවහන මණ්ඩලය ඉල්ලා සිටින්නේ අවශ්‍ය ජලය කල්තබා රැස් කර ගන්නා ලෙසයි.
